கனவு நிலை உரைத்தல்

ஆரம்ப பிடிமானம்
குறைந்துதான் போய்விட்டது
காலியான
தேநீர்கொப்பையைக்
கீழ்வைக்கையில்!
•
தாகத்தைப்
புரிந்து கொள்ள முடியவில்லை என்னால்
தண்ணீரளவுக்கு.
•
எத்தனையோ
பேனா திறப்புகள் மூடப்படுவதுண்டு
எழுதலற்று.
•
எந்தப்புள்ளியில்
தொடங்கி முடித்து வைக்கப்பட்டிருக்குமோ
தெரியவில்லை
இந்தக் கோலம்.
•
ஆந்திரா வரை சென்றழியும்
புழுதி படிந்த லாரியில்
என் பெயர்.
•
தென்னையும் பனையும்
கள் சுரந்து எதிர்க்கிறது
காந்தியை.

--இரவி