முற்றம்

ஒவ்வொரு மழை நாளிலும்
தவறாமல் உன் நினைப்பு.

ஒவ்வொரு சொட்டாய் உதிர்க்கும்
என் வீட்டு முற்றம்
மழைவிட்ட பின்னும்

ஜன்னல்களை
மூடி வைக்கிற
நகர வாழ்வில்

வீட்டுக்குள் முற்றமும்
வேடிக்கை இழக்காத மனசும்
விடுமுறை நாளுக்காய்த்
தவமிருக்கும்.

உன்னை காதலித்து
இழந்த பின்னும்
என்னை தேற்றும்
முற்றம்.

எங்கோ ஒரு நகரின்
இயந்திரப் பரபரப்பில்
என்றேனும் நீ

உன் ஜன்னலை திற.
என்னைப் போலவே
மழை நாளில் உனக்கும் வரும்
என் நினைப்பு.

-- ரிஷபன் ---